Tiranga Times Maharastra
युनियन बँकेत सहाय्यक व्यवस्थापक म्हणून कार्यरत असलेल्या महिलेच्या हत्येप्रकरणात पोलिसांच्या तपासातून धक्कादायक माहिती समोर आली आहे.
मंगळवारी ही घटना उघडकीस आली तेव्हा संपूर्ण देश हादरला. भुवनेश्वरी या बँक अधिकाऱ्याची तिच्याच पतीने निर्घृण हत्या केल्याचं स्पष्ट झालं. पोलिसांनी आरोपी पती बालमुरुगनला ताब्यात घेतल्यानंतर त्याने चौकशीत दावा केला की पत्नीने त्याला घटस्फोटाची नोटीस पाठवली होती आणि त्याच रागातून त्याने हे टोकाचं पाऊल उचललं.
मात्र तपास जसजसा पुढे सरकू लागला, तसतसं या दाव्यावर प्रश्नचिन्ह निर्माण होऊ लागलं. पोलिसांनी संबंधित बँक, न्यायालयीन कागदपत्रे, ई-मेल, पोस्टल नोंदी यांची तपासणी केली. पण आतापर्यंत त्या कथित घटस्फोटाच्या नोटिशीचा कोणताही ठोस पुरावा पोलिसांना सापडलेला नाही.
ज्या नोटिशीला आरोपीने हत्येचं कारण सांगितलं होतं, त्या नोटिशीचा नामोनिशानही आढळत नसल्यामुळे हे प्रकरण आणखी गंभीर व गुंतागुंतीचं बनत चाललं आहे. पोलिस आता हा खून पूर्वनियोजित होता का, की आरोपीने तपास भरकटवण्यासाठी ही कहाणी रचली होती, याचा सखोल तपास करत आहेत.
या घटनेने कौटुंबिक वाद, मानसिक अस्थैर्य आणि महिलांच्या सुरक्षेचा प्रश्न पुन्हा एकदा ऐरणीवर आणला आहे.
.png){kind=spacer}
