ranga Times Maharastra
धावता-धावता पडले, रस्त्यातच 27 वार करून संपवलं; शिंदे गटाच्या शिवसैनिकासोबत शेवटच्या क्षणी काय घडलं? हत्येचा CCTV समोर
रायगड जिल्ह्यातील खोपोली येथे भररस्त्यात घडलेल्या हत्येने संपूर्ण परिसर हादरून गेला आहे. शिवसेना (शिंदे गट) नेत्या मानसी काळोखे यांचे पती आणि माजी नगरसेवक मंगेश काळोखे यांची अत्यंत क्रूर पद्धतीने हत्या करण्यात आली आहे.
प्रत्यक्षदर्शी माहितीनुसार, हल्लेखोरांचा पाठलाग करताना काळोखे धावत असतानाच खाली पडले आणि त्यानंतर त्यांच्यावर वारंवार प्राणघातक हल्ला करण्यात आला. या घटनेचा थरारक सीसीटीव्ही व्हिडिओ समोर आला असून, त्यात 5 ते 6 जणांनी मिळून तलवारी आणि कोयत्यांसारख्या धारदार शस्त्रांनी हल्ला केल्याचे स्पष्ट दिसत आहे.
या हत्येनंतर रायगड जिल्ह्यात राजकीय वातावरण तापले असून, विविध आरोप-प्रत्यारोप सुरू झाले आहेत. घटनेने कायदा-सुव्यवस्थेचा प्रश्न निर्माण झाला असून पोलिसांनी तपासाला गती दिली आहे.
हत्येमागील नेमकं कारण, आरोपींची ओळख आणि राजकीय पार्श्वभूमीचा संबंध आहे का, याचा सखोल तपास सुरू असून या प्रकरणामुळे राज्यभरात खळबळ उडाली आहे.
.png){kind=spacer}
