एक अत्यंत धक्कादायक आणि संतापजनक प्रकरण समोर आले असून, या घटनेने कॉर्पोरेट क्षेत्रातील सुरक्षा आणि विश्वासावर गंभीर प्रश्नचिन्ह निर्माण केले आहे. एका खासगी कंपनीत व्यवस्थापकीय पदावर कार्यरत असलेल्या तरुणीने आपल्याच कंपनीतील वरिष्ठ पदाधिकाऱ्यांवर चालत्या गाडीत सामूहिक बलात्कार केल्याचा गंभीर आरोप केला आहे.
पीडितेच्या तक्रारीनुसार, तिला गाडीतच बेशुद्ध करण्यात आले आणि त्यानंतर तिच्यावर लैंगिक अत्याचार करण्यात आला. शुद्धीत आल्यानंतर तिचे मोजे, दागिने तसेच अंतरवस्त्र गायब असल्याचे लक्षात आले, ज्यामुळे तिला प्रचंड मानसिक धक्का बसला. त्यानंतर तिने तात्काळ पोलिसांकडे धाव घेत तक्रार दाखल केली.
Tiranga Times Maharastra च्या माहितीनुसार, एफआयआर नोंदवल्यानंतर पोलिसांनी तातडीने कारवाई करत तिघा आरोपींना अटक केली आहे. मात्र या प्रकरणाला वेगळे वळण मिळाले तेव्हा, संबंधित गाडीतील डॅशकॅम फुटेज तपासण्यात आले. या रेकॉर्डिंगमध्ये संपूर्ण घटनेदरम्यान आरोपींचे कृत्य आणि संभाषण स्पष्टपणे कैद झाल्याचे समोर आले आहे.
हे डॅशकॅम फुटेज आता या प्रकरणातील सर्वात महत्त्वाचा पुरावा ठरत असून, या हाय-प्रोफाइल गुन्ह्यामुळे सर्वत्र तीव्र संताप व्यक्त केला जात आहे. पोलीस पुढील तपास करत असून, आरोपींवर कठोर कारवाई होण्याची शक्यता वर्तवली जात आहे.
.png){kind=spacer}
