महायुतीच्या जागावाटपाचा तिढा अखेर सुटला; येत्या दोन दिवसांत अधिकृत घोषणा

महायुतीतील जागावाटपाचा तिढा सुटला असून ठाणे, कल्याण-डोंबिवली आणि एमएमआर महापालिकांसाठी लवकरच अधिकृत घोषणा होणार.

Tiranga Times Maharastra

आगामी महानगरपालिका निवडणुकांच्या पार्श्वभूमीवर महायुतीतील जागावाटपाचा प्रश्न अखेर मार्गी लागल्याचे संकेत मिळत आहेत. ठाणे, कल्याण-डोंबिवली तसेच मुंबई महानगर क्षेत्रातील (MMR) महापालिकांसाठी जागावाटपाचा फॉर्म्युला निश्चित करण्यात आला आहे.

मिळालेल्या माहितीनुसार, महायुतीतील प्रमुख नेत्यांमध्ये दीर्घ चर्चा झाल्यानंतर या फॉर्म्युल्यावर एकमत झाले आहे. सुमारे पाच तास चाललेल्या मॅरेथॉन बैठकीनंतर अंतिम निर्णय घेण्यात आला असून, येत्या दोन दिवसांत याबाबत मोठी अधिकृत घोषणा होण्याची शक्यता आहे.

या निर्णयामुळे स्थानिक स्वराज्य संस्थांच्या निवडणुकांपूर्वी महायुतीची रणनीती स्पष्ट होणार असून, निवडणूक तयारीला वेग येण्याची अपेक्षा व्यक्त केली जात आहे.