अभिनेत्री मलायका अरोरा प्रोफेशनल आयुष्यापेक्षा तिच्या खासगी आयुष्यामुळे अधिक चर्चेत असते.

Tiranga Times Maharastra

अभिनेत्री मलायका अरोरा प्रोफेशनल आयुष्यापेक्षा तिच्या खासगी आयुष्यामुळे अधिक चर्चेत असते. अरबाज खानसोबत घटस्फोट झाल्यानंतर मलायका सतत ट्रोलिंगला सामोरी गेली. आता अनेक वर्षांनंतर तिने घटस्फोट, नातेसंबंध आणि दुसऱ्या लग्नाबाबत स्पष्ट भूमिका मांडली आहे.

मलायका म्हणाली की, आयुष्यात पुन्हा प्रेम करणं किंवा नातं स्वीकारणं चुकीचं नाही. पण जो कोणी माझ्या आयुष्यात येईल, तो मला जशी आहे तशी स्वीकारणारा हवा. माझ्या भूतकाळावर प्रश्नचिन्ह लावणारा किंवा माझ्या निर्णयांवर न्याय करणारा नको, असं स्पष्ट मत तिने मांडलं.

घटस्फोटानंतर झालेल्या ट्रोलिंगबद्दल बोलताना मलायकाने सांगितलं की, समाज अजूनही महिलांच्या वैयक्तिक निर्णयांकडे संशयाने पाहतो. पुरुषांनी पुढे गेलं तर ते सामान्य मानलं जातं, पण महिलांनी तसंच केलं तर त्यांच्यावर टीका केली जाते, ही मानसिकता बदलायला हवी, असंही ती म्हणाली.

दुसऱ्या लग्नाबाबत थेट प्रश्न विचारला असता, योग्य वेळ आणि योग्य व्यक्ती असेल तर मी नक्कीच आयुष्यात पुढे जाईन, असं सूचक वक्तव्य मलायकाने केलं आहे.

घटस्फोटानंतर मलायका अरोराने नातेसंबंध, दुसरं लग्न आणि ट्रोलिंगवर स्पष्ट व परखड भूमिका मांडली आहे.