मुंबई महापालिका निवडणूक 2026 चे निकाल जाहीर होत असून मुलुंड परिसरातील वॉर्ड क्रमांक 99 ते 102 कडे सर्वांचं लक्ष लागलं आहे

Tiranga Times Maharashtra

मुंबई महापालिका निवडणूक 2026 चे निकाल जाहीर होत असून मुलुंड परिसरातील वॉर्ड क्रमांक 99 ते 102 कडे सर्वांचं लक्ष लागलं आहे. या वॉर्डमध्ये कोण बाजी मारणार, सत्ताधारी आघाडी कायम राहणार की नव्या चेहऱ्यांना संधी मिळणार, याबाबत राजकीय वर्तुळात मोठी उत्सुकता आहे.

2017 च्या निवडणुकीत वॉर्ड क्रमांक 99 मधून शिवसेनेचे संजय अगलदारे यांनी भाजपच्या जयेंद्र भांजी यांचा पराभव करत विजय मिळवला होता. त्या वेळी संजय अगलदारे यांना 9360 तर जयेंद्र भांजी यांना 7712 मतं मिळाली होती. 1600 पेक्षा अधिक मतांच्या फरकाने झालेला हा विजय लक्षवेधी ठरला होता. यंदाच्या निवडणुकीत मात्र राजकीय समीकरणं बदलली असून मतदारांचा कौल कोणाच्या बाजूने जाणार, हे निकालातून स्पष्ट होणार आहे.

वॉर्ड क्रमांक 100, 101 आणि 102 मध्येही चुरशीची लढत पाहायला मिळत आहे. प्रमुख पक्षांसह अपक्ष उमेदवारांनीही ताकद लावली असून मतमोजणीच्या प्रत्येक फेरीकडे उमेदवारांचे समर्थक लक्ष ठेवून आहेत. पहिल्या काही फेऱ्यांनंतर कल स्पष्ट होतील, त्यानंतर विजयी उमेदवारांची अधिकृत घोषणा केली जाणार आहे.