Tiranga Times Maharastra
पालघर जिल्ह्यात एक गंभीर आणि धक्कादायक घटना समोर आली असून, वारली हाट परिसरात एका महिलेवर लैंगिक अत्याचार झाल्याचा आरोप करण्यात आला आहे. या घटनेमुळे परिसरात खळबळ उडाली आहे.
मिळालेल्या प्राथमिक माहितीनुसार, संबंधित महिला कौटुंबिक वादानंतर रात्री घराबाहेर पडली होती. त्यानंतर वारली हाट परिसरात असताना तिच्यावर अत्याचार झाल्याचा आरोप करण्यात आला आहे. या प्रकरणात आरोपी म्हणून तेथील एका वॉचमनवर संशय व्यक्त करण्यात आला असून, तो महिलेला ओळखीचा असल्याची माहिती समोर आली आहे.
या घटनेनंतर मनोरा पोलीस ठाण्यात गुन्हा दाखल करण्यात आला असून, पोलीस अधिक तपास करत आहेत. पीडित महिलेला आवश्यक वैद्यकीय आणि कायदेशीर मदत दिली जात असल्याचे सांगण्यात येत आहे.
या घटनेमुळे महिला सुरक्षेचा प्रश्न पुन्हा एकदा ऐरणीवर आला असून, नागरिकांकडून कठोर कारवाईची मागणी होत आहे.
.png){kind=spacer}
